Sustegnair la Pro Natura

Las tgirallas, ils casturs e tut las autras spezias d’animals e plantas, las cuntradas ed ils spazis da viver da la Svizra dovran voss sustegn per pudair surviver e sa mantegnair vinavant. Gidai era vus! Vossa donaziun u vossa commembranza po avair in grond effect.
 
La Pro Natura s’engascha per la natira e la cuntrada entras lavur pratica da protecziun da la natira, en la politica da protecziun da la natira, cun lavur da publicitad e d’educaziun ambientala. Questa lavur custaivla per la protecziun da la natira en Svizra po la Pro Natura far mo grazia a las contribuziuns da commembranza ed a las donaziuns. Nus ans legrain sche vus as engaschais ensemen cun nus per la natira e sustegnais la Pro Natura.


Era vus pudais esser activ


Vulessas era vus far lavur activa per la protecziun da la natira e da la cuntrada? Nus as pudain offrir, sper ils engaschaments en ils territoris protegids, in’entira paletta da las pli differentas activitads: rimnar suttascripziuns, scriver brevs da lectur, plantar saivs vivas, cumponer dumondas a la suprastanza communala, s’engaschar en ina gruppa regiunala,  fundar ina gruppa da giuventetgna, etc.
Ans sustegnai, nus ans engaschain gugent ensemen cun vus – per dapli natira, dapertut.
In telefon ni in mail tanscha > Secretariat.

 



Daventai commember


Sco commember survegnis vus sis giadas ad onn il magazin Pro Natura che cuntegna contribuziuns captivantas davart la natira. Plinavant profitais vus da differentas reducziuns e da l’entrada libra en ils centers Pro Natura Aletsch e Champ-Pittet. Sco commember da la Pro Natura sustegnais vus la natira en Svizra!



 

Regalai ina commembranza


Cun regalar ina commembranza tar la Pro Natura pudais vus far in plaschair a voss chars ed a la natira.





Faschai ina donaziun a la Pro Natura


Noss projects da la protecziun da la natira vegnan tschernids ed accumpagnads cun tutta premura. Cordial engraziament!



 

Relaschai  in legat a la natira


Vus vulais sustegnair la natira, relaschar ad ella in legat? La Pro Natura as cusseglia gugent. Sin voss giavisch as tramettain nus l’ordinatur «Pro Natura Arbeitshilfe Testament».