Agir per la natira - dapertut en il pli grond e pli bel chantun da la Svizra!

La Pro Natura Graubünden - Grigioni - Grischun è vegnida fundada il 1965 sco secziun da la Lia svizra per la protecziun da la natira. Ella sa numnava oriundamain «Bündner Naturschutzbund» e cumpigliava l'emprim 979 commembers.

Blers eveniments pli pitschens e pli gronds, positivs e negativs ans accumpognan mintga di en nossa lavur. Entant èn radund 2'500 Grischunas e Grischuns commembers da la Pro Natura Grischun ed intginas dunsainas vischnancas ans sustegnan cun donaziuns.

La Pro Natura Grischun è activa sin ils suandants champs:
  1. Nus protegin la natira en maniera pratica e giugain ina rolla impurtanta en la protecziun a lunga vista da spazis vitals periclitads e da spezias, p.ex. cun s'engaschar en favur da novs spazis vitals sco er cun mantegnair e tgirar protectorats cun l'agid da voluntaris, scolas e champs.
  2. Nus ans engaschain en la politica da protecziun da la natira e da l'ambient per meglierar las cundiziuns generalas "Per dapli natira - dapertut". En il center da nossa lavur stat la protecziun dals spazis vitals e da las spezias, p.ex. cun sustegnair projects da vischnancas e dal chantun en favur da spezias e da lur spazis vitals sco er cun cumbatter projects cun conflicts pussaivels. En la politica da l'ambient sustegnain e cumplettain nus la lavur dad autras organisaziuns per la protecziun da l'ambient en il chantun Grischun.
  3. Nus faschain lavur da publicitad ed infurmain la populaziun davart noss intents, p.ex. cun prender posiziun, tschertgar il discurs e participar a cumissiuns en favur da la natira e da la cuntrada.
  4. Nus collavurain sin il champ da la furmaziun da la natira e da l'ambient e promovain qua tras la protecziun pratica da la natira, p.ex. cun integrar ils giuvenils en la protecziun da la natira (excursiuns e champs).

Gidai la Pro Natura Grischun a mantegnair e promover ina cuntrada viva ed ina gronda varietad d'animals e plantas - en il pli grond e pli bel chantun da la Svizra!