Introducziun

A medem temp sco la Pro Natura Svizra sin plaun naziunal aveva era La Pro Natura Grischun mess en discussiun l’idea d’ina u da pliras grondas zonas protegidas en il Grischun. En tge regiun, en tge furma – saja quai sco parc naziunal, parc natiral u auter – e cura che talas zonas protegidas vegnissan realisadas, n’era da lez temp anc betg cler.

Entant datti en il Grischun differents parcs natirals. Sin questas paginas intervegnis vus dapli davart ils singuls parcs e l’engaschament correspundent da la Pro Natura Grischun.

Cunquai ch’i n’exista nagin term superiur current per las differentas categorias, duvrain nus qua en general las noziuns “Parc natiral” u “Grondas zonas protegidas”.

Ina bun’introducziun en il tema chattais vus – sper las infurmaziuns sin las paginas che suondan - en l’artitgel menziunà en la rubrica qua daspera: «Naturpark und andere Grossschutzgebiete - Chance für die Wirtschaft in peripheren Lagen». Christian Geiger, l’anteriur manader da gestiun da la Pro Natura Grischun, ha scrit quest artitgel per la revista «Bündner Wald».